حكت هي و سكت آني
تقول المستحيل إنت
و تقول أرجوك تنساني
اصفنت ما أعرف إش أحكي
يمكن شدت لساني
حبيبي الأمس فرحني
إجاني اليوم بكاني
حبيبي اللي أعلق عمري شموع
إجاني اليوم طفاني
حبيبي اللي كان إلي جناح
إجاني و كسَّر جنحاني
هذي إنتي ورد يزهي بحديقتنا
و نخل ببيوت جيراني
شا سولفلك يا عطر أمي
يا ورد الراس هل غافي على قمصاني
أشوف المدرسة بعينك
مثل ما أمي ودتني على الرحلة
زماني عليك وداني
أجلد كتبك بروحي
و قبل درس الحساب روحي عشق تطراني
تقول اهواي خطبوني و حرت بين اللي أهواه آني
و أقول إذا بنولك قصر من طابوق
قلبي قصور و إذا ينطونك حاضر بالذهب و المال
أنا سنين عمري نيشاني
أحس بكل مسامة بوجهك تحبني
و أحس شعرك شلون إيد الغير تدناني
و إذا قلتي نعم و إنتي وكيل الغير للقاضي
أطش عمري هلاهل بين خلاني
و لا تعلقين شمعة عرس بالزفة
تعالي إنتي و خطيبك شمعتك آني
موال لــ : صلاح عبد الغفور